أطلق رائد الأعمال ، محمد نجاتي ، تقنية جديدة للذكاء الاصطناعي في مصر تحت مسمى Nagaty AI .
ومن خلال التقنية الجديدة تم معالجة أكثر من 1000 مكالمة فريدة و5000 دقيقة من المحادثات التفاعلية في 23 دقيقة فقط!
يعني هذا أن دقيقة واحدة من الذكاء الاصطناعي تعادل 200 دقيقة عادية.
وأوضح نجاتي عبر حسابه الرسمي على منصة” لينكد إن” التفاصيل الكاملة للتقنية الجديدة
وقال نجاتي :” رغم ان اللي عملناه في الـ AI ناس كتير بتشوف انه بسيط في موضوع الـ AI و موجود وكده وكتير هيتريق و يقول سهل و دة حلو و رغم اننا تعبنا فيه جدا بس هقولكم حسبة بسيطة “.
وتابع :” علي فكرة جزء كبير منه تربيطات مش كله مبني عندنا و دة صح في التكنولوچيا كل شخص يعمل حتة بس مش لازم نبني من الاول”.
يشار إلى أن المرحلة الأولى من اختبار الذكاء الاصطناعي Nagaty Ai انتهت بنجاح وفقاً لنجاتي.
وأضاف :” المكالمات اللي اتعملت تضمنت أكثر من 1000 مكالمة فريدة و5000 دقيقة أو أكثر من المحادثات التفاعلية تم تنفيذها في تقريبا 23 دقيقة فقط بما يعني أن كل دقيقة واحدة ذكاء اصطناعي عادلت 200 دقيقة عادية ”
وقال :” ده معناه إن ممكن مثلا نظريا مدرس يرد علي 200 عدد الطلاب اللي يقدر عليه في نفس الوقت بصوته او دكتور يقول نصيحة طبية لـ 200 مريض بصوته في نفس الوقت و كدة يعني…و تبقي شغلانة الدكتور او المدرس تطوير نفسه و التعليم اكتر و يفضل يغزي الـ AI بمعلومات ولو حاجة بقي احتجيت انه يخش يتكلم بشخصه تبقي حاجات معينة اني او اول مرة تتسأل او تتعمل”.
وأضاف :” بس ليه يضيع وقت و صوت و مجهود في اسئلة مقررة لو الطلاب عارفين صوته وواثقين فيه م دي معلوماته مفيش سبب انه يعيد نفس الكلام كتير خلاص”.
السعر
وحول السعر قال إن المشكلة إنه غالي للغاية بس مع الوقت ممكن يرخص.
وأضاف :” بس توقعي الشخصي انه هيغلي الاول شوية و بعدين يرخص تاني لاسباب كتير اوي.”
وقال :” أنا بشبه دة بالتحول زمان كان مثلا كل العروض مسرحية و الدروس من غير تلفزيون كان لازم الناس تروح المسرح او الحصة ولما الراديو اتعمل و نزل التلفزيون بقت المسرحية بتتصور و تنزل كذا مرة والاقوي هنا انه ” live chat” يعني مش متسجل كمان و بيهرج و يضحك و بيعمل “humanized” reactions”.
لاستخدام التقنية اضغط على اللينك التالي .
المصدر : موقع متناهي
