يقدم موقع متناهي المتخصص في التمويل ، قصة نجاح وفاء علي مع شركة ريفي للتمويل متناهي الصغر التابعة لسي آي كابيتال.
قالت وفاء علي ، إحدى عميلات شركة ريفي ، إن لديها ورشة لتصليح الملابس وهى عميلة للشركة من عام 2010 .
وأضافت “أول تمويل أخدته من شركة ريفي كان 2000 جنيه و جبت بيه أول مكنة اشتغلت بيها و سددته علي 10 شهور”.
وتابعت ” ابتديت بمكنة واحدة بس و كنت بشتغل بنفسي دلوقتي معايا 10 مكنات بالعمال اللي بيشتغلوا عليها وكل مكنة عليها العامل بتاعها”.
فكرت أعمل لنفسي مشروع
وقالت :” قصتي مع شركة ريفي بدأت لما فكرت اعمل مشروع لنفسي يجيب دخل كويس عشان دخلي الأساسي مكنش مكفيني فسألت علي الأماكن اللي ممكن تساعد و الناس دلتني علي ريفي”
وأضافت ” لما كلمت شركة ريفي بعتوا ناس يشوفوا المكان و وافقوا انهم يقدمولي القرض و كانوا متعاونين جداً ”
وأكدت أن القرض ساعدها في تخليص الإجراءات مع الحكومة لأن هذه الاجراءات كانت تحتاج إلى مصروفات .
وتابعت ” السيولة اللي بتوفرها ليا الشركة بتساعدني اني ازود مكن واشتري خامات أكتر ، والناس هناك الصراحة متعاونين و فيه سلاسة واحترام في التعامل”.
يشار إلى أن ريفي استطاعت أن تقفز بإيرادات نشاطها بقيمة 340 مليون جنيه فى الربع الأول من عام 2023 مقارنةً بقيمة 209 مليون جنيه عن نفس الفترة من عام 2022، بنسبة زيادة قدرها 63%.
صافي أرباح ريفي
وبلغ صافي أرباح الشركة مبلغ 106 مليون جنيه في الربع الأول من عام 2023 مقارنة بمبلغ 76 مليون جنيه في الربع الأول من عام 2022 بنسبة زيادة قدرها 39%.
يذكر أن شركة ريفي لخدمات المشاريع المتناهية الصغر – طبقاً لتصنيف صحيفة فايننشال تايمز عن أسرع الشركات الأفريقية نمواً لعام 2023 – قد احتلت المركز الخامس من أصل تسع شركات مصرية تم تصنيفهم ضمن أسرع مائة شركة في قارة أفريقيا، حيث حققت الشركة معدل نمو سنوي مركب لإيراداتها بنسبة 27% خلال الأعوام من 2018 وحتى 2021.
كما تجدر الإشارة أن الشركة قد حققت معدل نمو سنوي مركب بنسبة 43.7% عن الأعوام من 2019 وحتى 2022.
المصدر : موقع متناهي
