قال الرئيس عبد الفتاح السيسي، إن الأوضاع داخل الدولة المصرية فى تحسن كبير، متابعا: “بطمنكم بفضل الله سبحانه وتعالى.. وعمرى ما هقول كلام كده.. احنا في وضع أحسن كتير والأمور بتحسسن وهتتحسن أفضل كده علشان نتجاوز الأزمة دى.. وربنا سبحانه وتعالي يساعد اللى بيساعد نفسه.. الحمد لله رب العالمين أحسن ومستمرين”.
ووجه الرئيس الحكومة بدراسة المشاركة فى ضبط الأسواق من خلال زيادة طرح السلع والعمل على توفيرها جنبًا إلى جنب مع القطاع الخاص، قائلا: “يا دكتور مصطفي الناس اللى بتشتغل في القطاع الخاص فيما يخص السلع.. من قبل مني لما قالوا اقتصاد حر كان الهدف أن ندي الفرصة للكل والحكومة تراجعت عن هذا الدور.. طبعا بدون شك بعترف أن الفترة اللى فاتت صعبة.. تجاوزنا الفترة دى وفيه استقرار”.
وأضاف السيسي، خلال كلمته في احتفالية يوم المرأة المصرية والأم المثالية: “لما نواجه الاحتكار والمؤسسات المعنية.. خشوا وهاتوا سلع بـ 2 -3 مليار علشان نعمل توازن فى السوق.. مش هقدر أقول ولا هشكك فى ذمم حد ولا في ضمائر حد ولا وطنية حد.. يعني تعمل كده وتطلع تحج أو تطلع زكاة.. مش بقول حد وحش.. نخش ونبعت نجيب سلع والدولة تخش تانى.. واحنا اللى بنوفر الدولار لهم.. طب خلاص”.
المصدر : موقع متناهي
