علق رائد الأعمال الشهير محمد نجاتي ، على أزمة منصة FBC التي اجتاحت منصات التواصل الإجتماعي خلال الساعات القليلة الماضية.
ونجحت وزارة الداخلية ، الاثنين، في إلقاء القبض على أحد المتهمين في قضية منصة إف بي سي FBC الإلكترونية التي أهمت المواطنين بالاستثمار الإلكتروني قبل أن تستولي على أموالهم ما ترتب عليه وفاة سيدة مسنة بعد صدمتها من خسارة أموالها.
وقال ” نجاتي ” عبر حسابه الرسمي على موقع التواصل الإجتماعي فيسبوك :” طول ما مفيش قانون واضح في مصر و ممكن نتشغل بيه في التمويل الجماعي و الcrowd funding مظبوط و في جريمة اسمها ” توظيف الاموال ” علشان قصة بقالها ٣٠ سنة خايفين منها هيظهر كل شوية مستريح و هيهرب …احنا المحترمين والعندنا اسم و فاهمين بنخاف نشتغل في اي حاجة مش مقننة فمين اللي هيعملها؟”. الشمال اكيد.. و هيلبسوا طواقي .
حذرنا من هذه المنصة
وأضاف :”والمنصة بتاعة النهارده اللي نصبت علي الناس حذرنا من اللي زيها كتير و دي بالذات كنت قولت عليها للاسف … و قولنا اللي يضمن عائد اعلي من البنك غالبا شمال… الدين قال بوضوح الموضوع بيمشي ازاي و العائد متغير و الشريعة واضحة و الخليج كله عنده قانون رائع في الcrowdfunding لما واحد مصري زي حالاتي يلف ٩ سنين علي المشرعين و يقول القانون فين فيقولولي خش ” sandbox” و أعمل صناديق للشركات .
وتابع :” يعني شركة عايزة ١٠٠ الف جنيه تعمل صندوق ليه؟ و تحيب فلوس منين؟ و ساندبوكس ليه و في قانون في العالم كله؟ نترجمه طيب و نظبطه علينا!!! فاروح دولة تانية اعمل الشغلانة و بلدي سوقها احسن ميت مرة و الراجل لما يقابلني يقولي ” ها بقي عايز ايه و عامل دوشة ليه” … و التاني يقولي اشتغل و قنن بعدين!!! ”
وقال :” أنا مبشتغلش في الشمال و عايز اعمل حاجات صح و محترمة لبلدي اتمني كل المرضاش يعمل القانون و اتريق علينا و بقي قانون لا ينفذ به شركات بقي يعرف انا كنت عامل دوشة ليه… علشان حرام فلوس الناس المصريين الكل شوية تضيع بين طمع و جهل دور القانون يحميهم… و اللي بيهرب بفلوس المصريين بعد كدة يتسمي ” مستريح كذا و كذا” ابوس ايديكم اعملوا قانون crowdfunding مظبوط و انا و غيري جاهزين من بكرة!!!”.
وأضاف :” عندنا كل حاجة في البلد نبقي اكبر سوق للموضوع دة … مكنتش عايز اتكلم بس امري الي الله و نيتي سليمة و تعبت”.
المصدر : موقع متناهي
